ზედაპირი,რომელიც სივრცეს ცვლის.

საორიენტაციო საბაზო ფასები: კედელი — 90₾/მ²-დან; იატაკი, აბაზანა, საშხაპე და შერჩევითი ჭერი — 140₾/მ²-დან; რკინის კარი — 1,200₾/ც-დან; პლინტუსი — 30₾/გრძ.მ-დან. კიბე, რთული დეტალი და სიმაღლე ინდივიდუალურად ფასდება. ზედაპირის მომზადება საშუალოდ 25₾/მ², ჰიდროიზოლაცია — საორიენტაციოდ 30₾/მ². მინიმუმი: 30 მ² ან 2,500₾. DECON ART ამ ეტაპზე არ არის დღგ-ის გადამხდელი, ამიტომ მითითებულ ფასებს დღგ არ ემატება.

მიკროცემენტის სისტემის მასალა და სამუშაო, გრუნტი, საბაზო და საბოლოო ფენები, ფაქტურა, დამუშავება და დამცავი საფარი; იატაკზე ბადე საჭიროებისას; სტანდარტული კუთხეები, ნიშები, სვეტები, ღიობები და გადასვლები. ასევე მასალის მიწოდება თბილისში და დაახლოებით 20 კმ რადიუსში (განსაკუთრებული გარემოების გარდა), სამუშაო ზონის საბაზისო დაცვა და ჩვენი ნარჩენების მოწესრიგება.

ზედაპირის გაწმენდა, დემონტაჟი და ნარჩენების გატანა; ბზარის შეკეთება, გასწორება და ფინალური შპაკლი; ჰიდროიზოლაცია, ხარაჩო/სიმაღლე და სპეციალური მოწყობილობა; არასტანდარტული გეომეტრია ან დამატებული სამუშაო; მძიმე ავეჯის გადაადგილება; გენერალური დასუფთავება; სტიაჟკა და თვითსწორებადი იატაკი.

მყარი, მშრალი, სუფთა და სტაბილური. კედელი უნდა იყოს სწორად, სამღებროდ მომზადებული; იატაკი — მყარი, სწორი ცემენტის ბაზაზე; ჭერი — ფინალურად დაშპაკლული და სამღებროდ გამზადებული. არსებულ ფილასა და სხვა საფუძვლებზე ვმუშაობთ მხოლოდ ტექნიკური შეფასების შემდეგ. აქტიური ნესტი, გაჟონვა, მოძრავი ბზარი ან სუსტი საფუძველი ჯერ უნდა გამოსწორდეს.

აბაზანასა და საშხაპეში ჰიდროიზოლაციას, როგორც წესი, კლიენტი უზრუნველყოფს; საჭიროებისას ვასრულებთ აკრილ-ცემენტოვან სისტემას დამატებით. 30–50 მ² სტანდარტული პროექტი დაახლოებით 7–10 დღეა; ობიექტის პირობებმა ვადა შეიძლება შეცვალოს. კლიენტი უზრუნველყოფს წყალს, ელექტროენერგიასა და თავისუფალ სამუშაო სივრცეს. პარალელური ხელოსნები დაიშვებიან მხოლოდ მაშინ, თუ არ ქმნიან მტვერს, ნესტს, მოძრაობას ან სამუშაო ეტაპების დარღვევას. საბოლოო ფენიდან მსუბუქი გადაადგილება — არაუადრეს 24 საათისა; სრული დატვირთვა და წყალი მხოლოდ გუნდის დადასტურების შემდეგ.

Vechro ან Caparol-ის მიხედვით ვამზადებთ დაახლოებით 0.5 მ² MDF ნიმუშს 2–5 სამუშაო დღეში. ღირებულებაა 150₾ და დადასტურებულ შეკვეთას აკლდება; უარის შემთხვევაში თანხა არ ბრუნდება. შედის მაქსიმუმ ორი კორექტირება. დამტკიცება ხდება წერილობით. ხელით შესრულებული ფაქტურა ყოველთვის ინდივიდუალურია — საბოლოო ორიენტირი დამტკიცებული ნიმუშია.

დასრულება დასტურდება წერილობითი შეტყობინებით; მიღება-ჩაბარების აქტი ფორმდება მხოლოდ ცალკე შეთანხმებით. ლოკალური შეკეთება შესაძლებელია ინდივიდუალური შეფასებით, თუმცა ტონისა და ფაქტურის ზუსტი დამთხვევა ყოველთვის ვერ გარანტირდება. ფერისა და სისტემის ინფორმაციას ვინახავთ, დარჩენილი მასალა კი კლიენტთან არ რჩება.

მოერიდეთ აბრაზიულ ღრუბელს, ძლიერ მჟავა/ტუტე საშუალებებს და მექანიკურ დაზიანებას. ფიქსირებული სტანდარტული კომერციული გარანტია არ მოქმედებს, თუ ინდივიდუალურ შეთავაზებაში წერილობით სხვა რამ არ არის მითითებული; ეს არ ზღუდავს მომხმარებლის კანონით მინიჭებულ უფლებებს. პრეტენზიისთვის დაგვიკავშირდით ტელეფონით ან Messenger-ით — მიზეზის დასადგენად თითოეულ შემთხვევას ადგილზე ვაფასებთ. კომერციული გარანტია არ ვრცელდება შენობის მოძრაობით გამოწვეულ ბზარზე, ნესტზე/გაჟონვაზე, დარტყმაზე, არასწორ ქიმიაზე, მესამე პირის ჩარევასა და ბუნებრივ ცვეთაზე.